/265/ foemina dat et locum et materiam, non ergo
est ens accessorium operis primarij, sed necessarium.
Vives autem, etsi Aristotelis auctoritate
munitus, nimis crasse et stulte loquitur.
Non enim negaverit aliquam foeminam aliquo
viro calidiorem, non igitur ortus illius
causa vera est. Sed et mirum, si frigus mammarum
ac matricis auctor est. Sunt certe
defectiones a frigore, additamenta a calore:
mammae igitur et matrix, quae in foemina
sunt, in mare non sunt et materiae copiam et
ad eam informandam caloris, qui informatricis
instrumentum est, vim additam, non
inopiam ostendunt. Profecto matrix nobilissima
ac propemodum divina favissa est,
in qua Naturae thesauri conditi, ubi fuerit
opus, depromantur et quae iure optimo merita
sit ut alterum animal appelletur.
EXERCITATIO XXXIX
Cardani sententiam recitat et refellit.
Hieronymus Cardanus, vir nunquam
satis laudatus, de monstris duas tuetur
conclusiones. Prima haec est: Monstra proveniunt
ab errore et defectu Naturae. Secunda:
Hunc Naturae defectum contingere, non ex
inepta mole, ut sensit Aristoteles, sed quia inferior